بهية الولية المفترية

...

انا هحكي الحكاية بطريقة نثرية

ومش تزعلوا لو طولت شوية

سمعت عن بهية وانا في طريقي مع اصحابي المحامية

قالولي دي بت اخوانية نشيطة .. يعني حبه شوية

قولت اسال عليها المراسل فاضل وطلع راجل بمية

رد عليا من غير تاخير و بتفاصيل دقيقة وبدات حكاية القصيدة ديه

...

طلعت من نسب اصيل وعيله سنهورية

وقعدت معاها وطلعت نشيطة قوي مش شوية

وقولت على بركة الله هتجوز الاخوانية

...

قعدت معاها وبقيت شاعر ولا شاعر الالفية

ليلة ورا ليلة مستنى الليلة القوية

يوم ما يزفونا واحنا في العربية

المهم مرت الايام مع بهية

حلوة ومرة واحداث قدرية

....

طلعت اميرة ومش بتدخل معايا في حوارات جدلية

يوم ما اقولها اعملي تعمل بدون اي ترددية

وبدقة وباخلاص وباصرار الجن ولاد الجنية

وبتاكلني دايما .. يا مكرونة يا ملوخية

وتفطرني فول وطعمية

وتجري من ورايا تاكل حلاوة طحينية

اللي مخبياها في النملية

بس انا كنت باخد قرارات جدية

كرئيس لهيئة الاركان المنزلية

ورئيس الوزراء وساعات رئيس الجمهورية

ورفضت المهزلة الاكلية

ورحت علمت زي الحرامية

اتسحب بالليل واكل الحلاوة الطحينية

لحد ما اتقفشت واخدت العلقة اللي هيا

وبقت دايما توكلني الطعمية مع حتة طحينية

...

ومرت ليالي ورتني فيها ليالي الرعب الجهنمية

وليالي تانية عيشتني فيها الاحلام الوردية

ورغم ان الحالة ساعات بتبقى صعبة شوية

الا انها دايما راضية .. اصلها بنت متربية

ولما بزعل منها بتيجي على طول وتجيبلي عسلية

وتلعب في شعر راسي وتقولي اصلها لعبة مجانية

ولما بتبقى الحالة فسفورية

بتخلي الحياة وسطية

لا افراط ولا تفريط زي بتوع الاخوانية

...

قولتلها في يوم ما تيجي نبدا في الحياة الحزبية

قالتلي لا ليبرالية ولا اشتراكية ولا ناصرية ولا وفدية

انا وطنية اسلامية عضوة مع البنات الاخوانية

اعمل لاجل ديني وقضيتي العصرية

تحرير الاقصى وافناء الدولة اليهودية

وليها وهبت عيالك يحاربوا ويروحوا الجنة الربانية

شمسها لا هيا صيفية ولا شتوية

وجوها ما بين الربيعية والخريفية

فيها الحياة الابدية والنعمة الغير منتهية

وانهار اللبن والعسل والخمر اللي بتجري من تحتيا

ونشرب من يد رسول البشرية

دي هتبقى اجمل صحبة مع امهات الامة الاسلامية

ورؤية رب الكون هيا دي الغاية وهيا دي الامنية

...

وخبطتني خبطة في اماكن رئيسية

قالتلي روح بسرعة هاتلي التومية

علشان هعمل النهاردة فتة بالتقلية

الله يرحم ايام الليالي الوردية

ايام ما كنت بتجيب هدية

وايام الكلمات الشعرية

...

فقولتلها يا بت متخبطيش زي البلطجية

دانا الفت بهية المفترية

قصيدة غزلية ولا الاشعار العربية

اتقالت في فرحنا سنتين قبل الاحداث دي هيه

دانا طلعت بحب يا بهية

طلعت بحب الولية المفترية

...

........

............

كتبتها بمناسبة حفل زفافي

الخميس الثامن من سبتمبر في السنة الحادية عشرة بعد الالفين ميلاديا

العاشر من شوال في السنة الثانية والثلاثين بعد الالف واربعمائة سنة هجريا

محمد خيري جميل

جر شكل