يا حلاوة يا جماعة ما شاء الله .. الإجراءات لحل المجلس شغالة حريقة .. الحزب اللا وطني يقوم بعمل ترشيحات لمرشحيه ويجري لهم إستطلاعات رأي في مدنهم وقراهم ... يقوم أعضاء الحزب اللا وطني بشتيمة بعض من وراء الستائر .. وآل ايه بيدفعوا لقيادتهم علشان فلان ميترشحش ... مش علشان هو يترشح ... ونعم الديموقراطية

يقوم أحزاب ورق السيلكون بالخناق على عدد المقاعد اللي المفروض ياخدوها في مجلس الشعب ... في الإنتخابات المتوقعة في خلال شهور .. وعلى اقصى تقدير سنة ... فمثلا الوفد له حصة .. والتجمع له حصة .. والناصري له حصة ... وكل واحد له حصة ... وكأن راي الشعب بالحصص على حسب هوى دماغ السيادة

تقوم الشرطة وأمن الدولة بالتحديد ... بترشيح الأفراد المنتخبين (على إعتبار ما سيظهر أمام الناس) لمقاعد مجلس الشعب ... وآل دول حماة القانون ومنفذيه ... وأشرف شرفاء البلد ... وسلملي على الشرف يا جدع

وده كله ... خوفا من حاجه واحده .. إسمها الإخوان المسلمين

علشان مش عايزين حد من الإخوان الوحشين .. يخشوا المجلس .. علشان بيتكلموا كتير .. وبيصلوا كتير .. وبيعبدوا ربنا برضه كتير .. وبيخافوا منه كتير كتير كتير

وطبعا ... النظام وأجهزته .. مش بتخاف من ربنا أصلا ... فإزاي يبقى معاهم ناس بتخاف من ربنا بالطريقة دي

طب علشان يمنعوا الإخوان من الدخول .. يعملوا ايه

واحد :: يضربوا الإخوان في مجموعة من قيادتهم .. المتصور أنها ذات تأثير كبير على سير العملية السياسية في الجماعة

إثتين :: يقوموا بشن حملة إعلامية موازية .. بهدف زعزعة رأي الناس في الجماعة .. ربما كتمهيد لنشر الإشاعات عن الجماعة

ثلاثة :: يقوموا بتوزيع حصص المقاعد على أحزاب الورق السيلكوني .. على إعتبار أن الإخوان يقومون بالتحالف مع أحزاب المعارضة للتنسيق في مواجهة الحزب الحاكم

رابعا :: جمع معلومات عن جميع مرشحي الإخوان المحتملين .. وعمل دراسات لهم ولشخصياتهم .. ووجودهم الجماهيري في المجتمع

خامسا :: محاولة فتح قنوات تفاوض مع الجماعة .. لإثناء الجماعة .. عن الترشح للإنتخابات !!

هذا هو الحزب اللا وطني الواطي الوثني اللا ديموقراطي ... الحاكم

والبقاء لله في مؤسسات مصر .. والعزاء .. بعد إنتخابات مجلس الشعب القادمة .. على مزابل التاريخ