جر شكل: ياناس مفيش أحلى من العفة

ياناس مفيش أحلى من العفة

٦:١٠ ص |

Posted by محمد خيري |

كنت ماشي يوم ومروح

سمعت صوت بيقول لو تسمح؟

قلت ازاي ما اسمحش دا صوتها

زي اللحن يخليك تسرح

عقلي تاه من رقة صوتها

وفجأة لقيت قلبي بيتمرجح

.............

قلت أبص وارد عليها

اتكلبشت ف سحر عنيها

سألِت عن عنوان ف أديها

قلت أبيع عمري واوديها

يا ناس حرام اسيبها لوحديها

.............

أصل جمالها كان فتان

وجسمها باين م الفستان

زي الميه وانا العطشان

عطشان إيه دا احنا ف رمضان

يارب احفظني من الشيطان

...........

هي دقيقة كمان مش أكتر

سمعت صوت بيقول ويذكّر

إنا أعطيناك الكوثر

وقلبي لقيته ارتاح واتعطر

والشيطان بيفر ويصغر

بكيت وتبت ورحت استغفر

...........

غضيت بصري ودقت العفه

ولقيت حياتي أحلى وأصفى

ياللي بلوزتك واصفه وكاشفه

وكل الناس بتبص وشايفه

ذنب الناس عندك في الكفه

يوم القيامه ليه مش خايفه؟

ياناس مفيش أحلى من العفة

ياناس مفيش أحلى من العفة

ياناس مفيش أحلى من العفة

شعر "حسام خليل"

Labels: أخلاق

4 comments:

ragabhpl يقول...: انما يوفى الصابرون اجرهم بغير حساب

قصيدة فى غاية الروعة والجمال

دعواتك; ٢٠ أغسطس ٢٠٠٨ في ١٢:٤٩ م
محمد خيري يقول...: ربنا يوفقك

شكرا على التعليق يا عبد التواب; ٢٠ أغسطس ٢٠٠٨ في ١٢:٥٦ م
حسام خليل يقول...: شكرا أخي محمد; ٢٧ أغسطس ٢٠٠٨ في ٤:٣٢ م
محمد خيري يقول...: الله يكرمك أخى الاستاذ حسام خليل

كم اسعدتنى بزيارتك; ٢٨ أغسطس ٢٠٠٨ في ١٢:٠٦ ص

إرسال تعليق

كتبها أخ عزيز في السجن على لساني

أنا إسمى محمد خيري مسجون هنا هنا من بدري

أنا اصلى من الإخوان مبخافش من الأوباش ولا حتى بسيبهم وأجرى

وبحب أدون رأيي وأحب أعرف فكرى

خليت إسم مدونتى أهوه جر شكل من بدري

أنشر فيها آرائي وأذكًر بيها قيادتى

وبكل أدب وأمانة مهى دى يا إخواني ثقافتى

ربانا عليها البنا كلمها محمد مهدي

علمنا نحب بلدنا علشانها نموت ونضحى

حبسونى علشان غزة علشان أعلنت هوايتى ..

جريت مشاكلهم أصلى !! بكلامى وكتر كتابتي

عن غزة وفلسطين لا هبطل اشاكل فيهم ولا يمكن أغير رأيي

--