مدونات الفيوم

مدونات أتصفحها

اكتب يا زمان من غير اغاني ولا كلام الظالم لازم هيجيله يوم ويتهان واللي فاكر انه هيهرب من المظلوم هيروح فين من المنان واللي فاكر انه ظلم وهيقدر النهارده ينام هيروح فين من جنود الرحمن دول كتير قوي اقصد جنود الرحمن
وما يعلم جنود ربك الا هو

Eliminate Israel from BEING, it is NOT a country, it is the TERROR
itself
وأنا أراجع ارشيف الإميل للمواضيع المميزة وجدت هذا المقال الأبلغ من المحاضرات والندوات والمناقشات

الجماعة المحصورة!

بقلم محمد سلماوى

قالت الست تفيدة لزوجها الحاج أبوحسين: إلا قول لي يا حاج، جماعة مين دي بقي إللي محصورة دي؟ فرد عليها زوجها دون أن يرفع عينيه عن الجريدة التي يقرؤها: لا أعرف عما تتحدثين، قالت: شوفي ياختي الراجل! بقي طول النهار قاعد تقرا في الجرنال وتقول لي موش فاهم؟ طيب دي الجرايد والتليفزيون مالهومش شغلانة اليومين دول غير «الجماعة المحصورة» دي، يكونوش قصدهم جماعة الحاج أحمدين أبوكرش بتاع الطرشي إللي ورانا؟
قال لها زوجها: ماذا تقولين؟ قالت: أصل الولية نعيمة الهبلة جماعة الحاج أحمدين كل ما تشوفنا تطلع تجري، زي إللي خايفة نقوللها تعزم علينا بطرشي، نقوللها: رايحة فين يا نعيمة؟ تجز علي سنانها وتهز إيدها وتقول: داخلة دورة المية أصلي محصورة، لما بقت كل النسوان تقول عليها «نعيمة المحصورة».
لم يرد الحاج أبوحسين وظل يقرأ في جريدته فواصلت الست تفيدة: ديك النهار الولية أم عليوة إللي ساكنة قدامنا مرات أبوسريع الجزار شافت الحاج أحمدين قالت له: ألا يا حاج جماعتك علي طول محصورة ليه؟ قلت لها: يا ولية عيب كده! قالت لي: ما هي كل ما تشوفنا تطلع تجري وتقول محصورة، هو إحنا يعني عايزين منها حاجة؟ قلت لها: يمكن تكون عيانة ولا حاجة، إيش عرفنا، قالت: يبقي لازم هي بقي إللي بيقولوا عليها في الجرايد والتليفزيون، قلت لها: بيقولوا إيه؟ قالت: بيقولوا الجماعة المحصورة، إنت ماسمعتهاش؟ قلت لها: لا والنبي ماسمعتش، قالت: إزاي دول مالهومش شغلانة دلوقت غيرها، هي إللي طالعين فيها اليومين دول، علي طول «الجماعة المحصورة» راحت، «الجماعة المحصورة» جت.
ثم التفتت الست تفيدة لزوجها الذي لم يعرها أي اهتمام وقالت له: ما ترد يا راجل إنت، جماعة مين إللي محصورة دي، جماعة الحاج أحمدين بتاع الطرشي، ولا جماعة حد تاني؟ فلم يرد، قالت: ما داهية لتكون هي جماعة الحاج أحمدين.
فنظر زوجها إليها وهو يتنهد وقال: اتركيني في حالي اقرأ الجريدة، فقالت له: حقة لو كانت هي البت نعيمة الهبلة، دي تبقي سيرتها خلاص علي كل لسان، فنظر إليها زوجها وقال: المقصود هو الجماعة «المحظورة» وليس «المحصورة».
فردت تفيدة: ما هي دي! هو يعني لازم أنطقها لك بالنحوي، تبقي هي بقي جماعة الحاج أحمدين أبوكرش بتاع الطرشي، ففاض به الكيل وانفجر في زوجته: كرش إيه وطرشي إيه؟ المقصود هو الإخوان المسلمين، فضربت تفيدة علي صدرها وهي تقول: شوفي ياختي الراجل! إخوان إيه ومسلمين إيه؟ ما الإخوان المسلمين إحنا عارفينهم من زمان، أنا باسأل علي حاجة جديدة اسمها الجماعة المحصورة اللي طالعين فيها اليومين دول.
فقال زوجها: يا ستي الجماعة المحظورة هي الإخوان المسلمين، فقالت له تفيدة: خش في عبي خش! هو أنا تايهة عن الإخوان المسلمين؟ موش دول إللي خالك السني كان واحد منهم؟ قال لها وقد وضع جريدته جانبا: نعم خالي عبدالحميد الله يرحمه كان من الإخوان المسلمين، فقالت له تفيدة: طيب مادي حاجة قديمة، لكن أنا عايزة أعرف جماعة مين بقي إللي محصورة؟ قال لها زوجها: ما هم الإخوان المسلمين جماعة محظورة، يعني ممنوعة، قالت له: ممنوعة؟ شي الله يا سي ممنوعة! من إمتي بقي منعوها؟ موش هم دول إللي دخلوا مجلس الشعب وبيطلعوا علينا كل يوم في الجرايد والتليفزيون؟ قال لها زوجها في ضجر: أيوه يا ستي هم، قالت: طيب أمال إيه بقي إللي ممنوع؟ يا راجل روح كده بلا كلام فارغ، والله الولية أم عليوة كان عندها حق، مفيش واحدة محصورة غير هي الولية نعيمة الهبلة مرات الحاج أحمدين بتاع الطرشي، خليك إنت في الجرنال بتاعك موش عايزة منك حاجة، قال إخوان مسلمين قال!!

9 comments:

جنّي يقول...

السلام عليكم

قصة جميلة ان دلت على شئ انما تدل على نظام رعديد وحزب فاسد وحكومة رعناء واعضاء في الحزب الوطني الفاسد لم يرى التاريخ من هم اكثر منهم فسادا وخسة ..

شاعر سبيل يقول...

بردو المصري هو اللي غلطان
شكرا يا محمد يا خيري
رائع

غير معرف يقول...

السلام عليكم
اخي في الله انا احبك كثر
المدونه جميلة جداجدا

دام قلمك المبدع ..وبوركت يمناك

تحياتي

صاحبhttp://sedyq.maktoobblog.com/ مدونة متبهدل في الغربة

دعاء فتحي يقول...

السلام عليكم ورحمة الله
علي فكرة الست تفيدة دي بتفهم أكتر من ناس كتير
العملية عندها بسيطة خالص الناس بيدخلو مجلس الشعب وبيطلعو في التليفزيون والجرايد يبقوا محظورين إزاي

"النجم القادم" يقول...

بارك الله فيك اخونا الكريم

ربنا يعزك يارب

محمد العتر يقول...

الإخوان جماعة محظورة ..

يصيسبني الغثيان عندما أستمع لتلك الكلمة..

مكتب الإرشاد معلوم للعالم .. مكاتب أعضاء مجلس الشعب معروفة للعيان ..

إذاً من قال أنها محظورة ..

صحيح نظام غبي وساذج ... وبيضحك الخلق عليه ..

إن كان الحظر يعطي شرعية وشعبية إلى هذه الدرجة ..

لإغني أدعوا الله .. اللهم اجعلني محظوراً

عاشق الجنة من الإخوان صلى على النبى يقول...

قال الله عزوجل( أخرجوا آل لوط من قريتكم إنهم اناس يتطهرون ) لهذا السبب سمينا المحظورة ولهذا السبب أيضاً جعلوني محظواً
اللهم أجمع بيني وبين المعتصم بالله قولوا امين
بحبك يا عسل

محمد الشيمى يقول...

اللهم فك حصرة المحصورين(فى الحمام طبعا)
وفك حظر المحظورين
ولا تشمت بنا الخائبين

ابو بدر الدين يقول...

والله الست دي بتتكلم صح
خللي بالك كل الشعب فاهم
لان مش مهم الكلام والمسميات
المهم الواقع ايه
وشكرا لك حبيبي

شعب مصر: مش عايزين مبارك

شعب مصر: مش عايزين مبارك

يا ظالم

يا ظالم

يا شباب


ولا تنسوا أن
ثمن النصر تضحية وفداء
فاحرصوا على تقديم هذا الثمن

ولا تهنوا بعد ذلك ولا تحزنوا فانتم الاعلون والله معكم ولن يتركم أعمالكم
وما كان الله ليضيع إيمانكم

حسن البنا

يا شباب


إن عيدكم الأكبر يوم تتحرر أوطانكم ويحكم قرآنكم فاذكروا فى العيد ماضيكم المجيد لتتذكروا تبعاتكم واملكم لحاضركم ورسالتكم لمستقبلكم جددوا الآمال وآمنوا وتآخوا وإعملوا وترقبوا ساعة النصر والله معكم ولن يتركم أعمالكم

حسن البنا

زواري



//\\//\\//\\//\\//\\//\\//\\

كتبها أخ عزيز في السجن على لساني


أنا إسمى محمد خيري مسجون هنا هنا من بدري

أنا اصلى من الإخوان مبخافش من الأوباش ولا حتى بسيبهم وأجرى

وبحب أدون رأيي وأحب أعرف فكرى

خليت إسم مدونتى أهوه جر شكل من بدري

أنشر فيها آرائي وأذكًر بيها قيادتى

وبكل أدب وأمانة مهى دى يا إخواني ثقافتى

ربانا عليها البنا كلمها محمد مهدي

علمنا نحب بلدنا علشانها نموت ونضحى

حبسونى علشان غزة علشان أعلنت هوايتى ..

جريت مشاكلهم أصلى !! بكلامى وكتر كتابتي

عن غزة وفلسطين لا هبطل اشاكل فيهم ولا يمكن أغير رأيي

--

mm1

أنا محمد والأب خيري
حبيت بلدي زمان من بدري
أفديكي بروحي دا نيلك دمي
وأموت في ترابك دا همك همي

About Me

صورتي
محمد خيري
محمد خيري .. غاوى جر شكل .. أنتمى إلى الإخوان المسلمين .. أكره اليهود .. أمنية حياتى أنى أحارب فى فلسطين .. رزقنا الله وإياكم كرامة الإستشهاد فى سبيله
عرض الملف الشخصي الكامل الخاص بي

هو ده انا

هو ده انا

وبرضه ده انا

وبرضه ده انا

الحرية للاستاذ

الحرية للاستاذ

أفرجوا عن الشرفاء

أفرجوا عن الشرفاء

عضو برابطة مدوني الفيوم

عضو برابطة مدوني الفيوم

عضو بملتقى الإخوان

أرفض المحاكم الإستثنائية

أرفض المحاكم الإستثنائية