محلاها واللّه الزنزانه

مزنوقة ولكن سيعانه

والقعدة فيها عجبانه

وقلوبنا سعيدة وفرحانه

محلاها واللّه الزنزانة

النومة على الأبراش حلوه

وبقينا مع اللّه في الخلوه

وكتاب اللّه أحسن سلوه

وآياته تنور دنيانا

محلاها واللّه الزنزانه

النسمة تمر وتنعشنا

والكلمة الحلوة تفرفشنا

وكفاية معانا رغيف عشنا

من غيرما نغمس يكفانا

محلاها واللّه الزنزانه

قفلينها علينا حابسينا

فاكرين آل يعني مضايقنا

لو كانت نار تصبح جنه

طول ما احنا بنعبد مولانا

محلاها واللّه الزنزانة

قفلوها ولاّ فتحوها

أجسامنا الفانية يأخدوها

وقلوبنا مش راح يطولوها

وهتفضل دايماً ويّانا