مدونات الفيوم

مدونات أتصفحها

اكتب يا زمان من غير اغاني ولا كلام الظالم لازم هيجيله يوم ويتهان واللي فاكر انه هيهرب من المظلوم هيروح فين من المنان واللي فاكر انه ظلم وهيقدر النهارده ينام هيروح فين من جنود الرحمن دول كتير قوي اقصد جنود الرحمن
وما يعلم جنود ربك الا هو

Eliminate Israel from BEING, it is NOT a country, it is the TERROR
itself



بسم الله

نبدأ

مطالبنا بسيطه جدا
1- حد ادنى للاجور لكل فئه مع ربط الاجور بالاسعار كما تفعل أى دوله تعانى من الغلاء ...
2- إجراءات فوريه و صارمه و إصدار تشريعات و قوانين يتم تطبيقها على الجميع لمكافحة الغلاء و التحكم فى السوق و منع الإحتكار ..
3- الافراج عن معتقلى يوم 6 ابريل

و المطالب دى ممكن الحكومه تحلها بكل سهوله .. بس الأهم النيه مش مجرد تصريحات .. و فيه حلول كتير لزيادة الموارد زى الضرائب التصاعديه و التفعيل الحقيقى لرقابة الدوله و حماية المستهلك و تطبيق القوانين على الكل .. مش الغلابه بس
فيه عشرات الحلول اللى الناس المخلصين بيطالبوا بيها من زمان .. بس لازم حد يجبر صناع القرار فى مصر على التطبيق .. عمرهم ما هيدونا حقوقنا ولا هايحسوا بينا من نفسهم

طب هانعمل ايه يوم 4 مايو؟؟
كل واحد يعمل اللى يقدر عليه من الإختيارات التاليه

1- الاجماع على ارتداء ملابس سوداء و يفضل مطبوع عليها مطالبنا المحدده المذكوره بأعلى هذه الصفحه .. و لو مش عارف يبقى اى حاجه سوده .. و خلاص .. شريط .. شاره .. بندانا

2- تم الاتفاق على ان يحاول الجميع قدر استطاعته بكل السبل البقاء فى المنزل فى يوم الإضراب مع تعليق لافته على باب منزله بمطالبنا المشروعه

3- الاجماع على تعليق علم مصر فى البلكونات و رايات سوداء و اى لوحات او لافتات تتضمن مطالبنا البسيطه

4- للطلاب و الاطباء و المهن الحرجه التى قد تضره دعوة البقاء فى البيت ... يمكنك أن تذهب لعملك او جامعتك او مدرستك عادى جدا مع الحرص على ارتداء اى شىء اسود او شاره سوده و ياريت تعرف تكتب بأى طريقه مطالبنا على اللبس او الشاره اللى هاتعلقها على شنطتك او دراعك ..و يستحسن تعرف تتجمع مع الناس جوه جامعتك او شغلك و تعلنوا الاعتصام الرمزى لبعض الوقت إعتراضا على الاحوال السيئه التى تمر بها مصر مع اعلان مطالبنا بوضوح

5- مقاطعة شراء اى سلع فى اليوم ده تحديدا .. و مقاطعة اللحوم و الفارخ لمدة 3 ايام هى 4 و 5 و 6 مايو .. و ماتخافوش ..محدش هايموت

6- مقاطعة الجرائد الحكوميه المضلله و الكاذبه زى الاهرام و الاخبار و الجمهوريه و روز اليوسف ... و كذلك مقاطعة الفضائيات الغير محايده و التى تستجيب للضغوط و تذيع النشرات و الاخبار القادمه من أمن الدوله و خاصة برامج 90 دقيقه و القاهره اليوم

7- نظرا لإستخدام حكومة الحزب الوطنى لقانون التجمهر الذى تم اصداره عام 1914 و الذى يجرم اى تجمع 5 افراد " فى الشارع "بدون اذن مسبق .. فإننا نطالب جميع اعضاء الجروب و المتعاطفين بالوقوف أمام منازلهم لكل أو لبعض الوقت يوم 4 مايو المقبل مرتدين السواد و حاملين للافتات بها مطالبنا مع فتح حوارات نقاشيه مع الماره و الجيران و إن لم تستطع فممكن تقف فى البلكونه مع نشر حاجه سوده و كتابة مطالبنا و إن لم تستطع فممكن تقف على سطح البيت .. .. اتصرف
ملحوظه - هذه النقطه قابله للتعديل يا ريت تراجع تانى قبل يوم 4 مايو

على جميع الاعضاء و المتعاطفين استعادة حماس و مجهود ما قبل 6 ابريل و العمل الجاد منذ اليوم حتى يوم الاضراب القادم على نشر كل تلك الافكار بين الشعب المصرى و هم اهلنا و اصحابنا و اقاربنا و زملائنا فى العمل مستخدمين فى ذلك كل الوسائل المشروعه من دعوات صريحه عامه او فرديه او ارسال رسائل محمول لقوائمنا على التليفون او إرسال رسائل للشريط المتحرك فى الفضائيات بجميع انواعها او مكالمات هاتفيه او البريد الالكترونى لكل القوائم و المجموعات البريديه و المنتديات و المدونات و المواقع الاعلانيه و الجرائد و الصحف و المجلات و الاتصال بالفضائيات .. و كذلك تعليق الالافتات و ارتداء تى شيرت أو شاره يحمل الدعوه للإحتجاج السلمى من الان حتى ميعاد 4 مايو بجانب لصق دعوات الاحتجاج السلمى فى الشوارع و امام المساجد و داخل الجامعات و توزيع البيانات فى الشوارع و استخدام كل الوسائل المتاحه منها فكرة الاسبراى و استامبات الخشب و... و... و....
و على طلاب الجامعه نشر كل تلك الافكار بين اصدقائهم و زملائهم و محاولة النشر بكل الوسائل السلميه شارحين اهمية اليوم و كيف انه الخطوه الثانيه و موضحين مكاسب 6 ابريل
مهمتنا هى النشر فى الشارع و نقل ثقافة الايجابيه لرجل الشارع البسيط
الناس اللى ماعندهمش نت ولا عندهم وصلة دش .. ولا بيقروا جرايد من الاساس

و على المصريين المقيمين بالخارج التحضير لوقفات إحتجاجيه صامته امام مقرات السفاره المصريه .. بجد هاتفرق معانا كتير

ندعوا جموع المهندسين المظلومين لترتيب وقفه احتجاجيه يوم 4 مايو بالمقر الرئيسى للنقابه للمطالبه بفك الحراسه عن النقابه و اجراء انتخابات
و كذلك ندعوا الاطباء لتنظيم وقفه احتجاجيه يوم 4 مايو للمطالبه بكادر خاص
و ندعوا الصحفيين لتنظيم وقفه احتجاجيه اعتراضا على محاكمة الصحفيين و رؤساء التحرير و اغلاق بعض الصحف
و نوجه الدعوه لاى عمال يعانون من مشكلات مع ادارة المصنع ..للقيام بوقفه احتجاجيه لمدة نصف ساعه للمطالبه بحقوقهم
بس كل واحد فى مكانه
لا تجمهر ولا تعطيل مرور ولا شغب





لتكن رسالتنا هى





وبرضه طظ فى امن الدولة


8 comments:

Unknown يقول...

ازيك ياباشا
يارب اصلح حال مصر وفكها من الاسر
ربنا يكرمك ياباشا

إنسان || Human يقول...

الكلام ده كلو جميل ...بس اللي فاجئني اشتراك الإخوان في هذا الإضراب عن السابق
انت مش شايف الموضوع مريب شويه ولاايه ...وبعدين هل الإنقياد وراء القيادات بهذا الشكل عند الجماعه
يقولوا يمين يمين شمال شمال
غريبه في يوم وليله كده
على العموم أتمنى ان تجتمع كل تيارات المعارضه على كلمه واحده

غير معرف يقول...

السلام عليكم

انا مشارك في هذا الاضراب السلمي

لان لا ياتي حق غير بالمطالبة بة

ابراهيم يقول...

hاخي اضراب امر مشروع لكل افرادة والبرجماتية ايضا

محمد خيري يقول...

يارب

أخى المهندس محمود فوزى

وفقكم الله إلى مايحبه ويرضى

محمد خيري يقول...

الأخ human

الإخوان لهم حساباتهم ومش المطلوب أنهم يمشوا وار حد علشان الغير عايزهم كده

وإذا كنا مشاركناش فى الإضراب الأول فهو له حساباته وهذا الإضراب أيضا له حساباته

أما عن الإنقياد وراء القيادات فأنا لا أراه لان من لايوافق على قرار فى الجماعة له الحق أن يعترض وإن كان أغلب الأفراد ينصاعون وراء القيادات فهذا إختيارهم الشخصى الذى لا يجب ان نحجره عليهم


وعلى العموم لم نسمع كلمة إعتراض من أحد عندما لم توافق حركة كفاية او الأحزاب على هذا الإضراب كما حدث مع الإخوان فى الإضراب السابق

تحياتى لك

محمد خيري يقول...

الاخ وائل المصرى

بورك فيكم وأرجو أن يوفقنا الله فى هذا الإضراب

محمد خيري يقول...

عزيزى الأخ إبراهيم

وفقكم الله وبارك فيكم

شعب مصر: مش عايزين مبارك

شعب مصر: مش عايزين مبارك

يا ظالم

يا ظالم

يا شباب


ولا تنسوا أن
ثمن النصر تضحية وفداء
فاحرصوا على تقديم هذا الثمن

ولا تهنوا بعد ذلك ولا تحزنوا فانتم الاعلون والله معكم ولن يتركم أعمالكم
وما كان الله ليضيع إيمانكم

حسن البنا

يا شباب


إن عيدكم الأكبر يوم تتحرر أوطانكم ويحكم قرآنكم فاذكروا فى العيد ماضيكم المجيد لتتذكروا تبعاتكم واملكم لحاضركم ورسالتكم لمستقبلكم جددوا الآمال وآمنوا وتآخوا وإعملوا وترقبوا ساعة النصر والله معكم ولن يتركم أعمالكم

حسن البنا

زواري



//\\//\\//\\//\\//\\//\\//\\

كتبها أخ عزيز في السجن على لساني


أنا إسمى محمد خيري مسجون هنا هنا من بدري

أنا اصلى من الإخوان مبخافش من الأوباش ولا حتى بسيبهم وأجرى

وبحب أدون رأيي وأحب أعرف فكرى

خليت إسم مدونتى أهوه جر شكل من بدري

أنشر فيها آرائي وأذكًر بيها قيادتى

وبكل أدب وأمانة مهى دى يا إخواني ثقافتى

ربانا عليها البنا كلمها محمد مهدي

علمنا نحب بلدنا علشانها نموت ونضحى

حبسونى علشان غزة علشان أعلنت هوايتى ..

جريت مشاكلهم أصلى !! بكلامى وكتر كتابتي

عن غزة وفلسطين لا هبطل اشاكل فيهم ولا يمكن أغير رأيي

--

mm1

أنا محمد والأب خيري
حبيت بلدي زمان من بدري
أفديكي بروحي دا نيلك دمي
وأموت في ترابك دا همك همي

About Me

صورتي
محمد خيري
محمد خيري .. غاوى جر شكل .. أنتمى إلى الإخوان المسلمين .. أكره اليهود .. أمنية حياتى أنى أحارب فى فلسطين .. رزقنا الله وإياكم كرامة الإستشهاد فى سبيله
عرض الملف الشخصي الكامل الخاص بي

هو ده انا

هو ده انا

وبرضه ده انا

وبرضه ده انا

الحرية للاستاذ

الحرية للاستاذ

أفرجوا عن الشرفاء

أفرجوا عن الشرفاء

عضو برابطة مدوني الفيوم

عضو برابطة مدوني الفيوم

عضو بملتقى الإخوان

أرفض المحاكم الإستثنائية

أرفض المحاكم الإستثنائية